Nagakoordinar na ang Iloilo City Police Office (ICPO) sa Commission on Elections (COMELEC) agud matumod ang mga area nga nagakinahanglan sang security coverage prevention sa filing of candidacy.
Sa interview sang Bombo Radyo kay ICPO Director Police Colonel Kim Legada, iya ginpahayag nga may yara na sila sang numero sang mga kapulisan nga iga-augment agud masekyar ang seguridad sang lugar kag sang mga kandidato.
Suno kay Legada, kon kinahanglan nga dugangan ang pwersa sang pulis sa isa ka lugar, handa man ang talatapan nga magdugang.
Ginpahayag man sini nga preparado ang talatapan sa parking security, crowd control, kag quick response team.
Gin-athag man sang natungdan nga ginapahananugotan ang tagsa ka kandidato nga magdala sang supporters, apang ini kon ang venue ang yara sa mall.
Nagpasalig man ang ICPO sang proteksyon kag pagkontrola sa tagsa ka mga supporters agud nga malikawan ang indi pag-intindahanay samtang ang ila kandidato ang naga-file sang certificate of candidacy.
Nagpanugyan man ang talatapan sa mga supporters nga likawan ang pagdala sang dalagko nga mga placards agud nga indi makatuga sang pagpugok sang dalagan sang filing sang candidacy.
