Gin-ako sang Iloilo Provincial Veterinarian Office nga dako sa gihapon nga pagpanghangkat sa ila talatapan ang mga layaw nga ido sa Iloilo.
Sa interview sang Bombo Radyo kay Dr. Darel Tabuada, Provincial Veterinarian sang Iloilo Veterinary Office, iya ginpahayag nga isa sa ginaduso kadungan sang selebrasyon sang World Rabies Day amo ang awareness sang pumuluyo sa risk nga dala sang rabies.
Suno kay Tabuada, yara na sa 28 ka mga barangay sa probinsya ang nadeklarar nga ‘rabies free’ kon sa diin, kalabanan diri ang Island Barangay sa naaminhan nga bahin sang Iloilo.
Ginpahayag man sini nga paagi sa mga aktibidad, nagalaum ang talatapan nga malab-ot sang probinsya ang ‘rabies free province’ sa 2030.
Nagpaathag man ang natungdan nga yara na sa 86% ang vaccination coverage ang napatuman sang talatapan nga nag-exceed sa target kag requirement nga 70%.
Nagpasalig naman si Tabuada nga bastante ang bakuna kontra sa rabies, kon sa diin, may gin-alokar nga 9-million pesos agud gamiton sa vaccination sa Pebrero tubtob Abril sa masunog nga tuig.
