Nagpahanumdom ang Commission on Elections (COMELEC) sa mga kandidato sang ila nga pagsulondan para sa filing sang certificate of candidacy.
Sa interview sang Bombo Radyo kay Mr. Jonathan Sayno, Election Assistant 2 sang Iloilo City COMELEC Office, iya ginpahayag nga apisar nga maglampas pa sa alas-5:00 sa hapon kag wala sa gihapon ma-cater ang mga nag-file sang COC, mahimo ini sa gihapon nga mabaton sang COMELEC tubtob nga nakalista sa log sheet.
Suno kay Sayno, apisar alas-nuebe pa sa aga magabukas ang mall, may igadesinar diri nga entrance agud nga magaserbe nga venue sang pag-file sang COC.
Gintumod man sini nga ginapreparahan naman sang talatapan ang pagdugok sang supporters sang tagsa ka Partido ilabi na nga mainit ang dalagan subong sang pulitika sa syudad.
May yara naman sang anom ka entrance nga iga-provide ang mall agud matatapan ang mga supporters.
Gin-athag man sang natungdan nga ginapahanugutan ang mga supporters nga magsulod apang ginadumulian nga magdala sang placards kag mga magahod nga bagay kaangay sang speakers.
