Pabor si Ex-Officio Board Member Ramon Sullano sa posible joint venture agreement sang MORE Electric and Power Corporation kag sang Iloilo 1 Electric Cooperative, Inc. (ILECO).
Sa interview sang Bombo Radyo kay Board Member Sullano, chairman sang Committee on Public Utilities, iya ginpahayag nga ang agreement ang mahimo maka-extend sang serbisyo sang kuryente sa mga konsumidor sa probinsya.
Suno kay Sullano, kon wala lang man sang violation sa layi kag pagpamatok sa kasugtanan, ginalantaw sini nga wala sang problema sa amo nga tikang.
Gintumod man sang natungdan nga kon mahimo na nga maplastar ang kasugtanan, may yara na sang enterprise agud pilian sang mga konsumidor.
Nagapati man ini nga magahatag sang balanse nga serbisyo ang nasambit nga mga korporasyon.
