Patay ang 36-anyos nga lalaki matapos nakaagom sang 11 ka buno sa iya bayaw sa Brgy. Golgota,Janiuay,Iloilo.
Ang biktima amo si Benjie Amahit, 36, sang Brgy. Jibolo, Janiuy, Iloilo.
Ang suspek amo si Jovel Labaro,56-anyos.
Sa interview sang Bombo Radyo kay Police Captain Alwin Salmon, hepe sang Januiay Municipal Police Station, iya ginpahayag nga nagkadto ang biktima sa balay sang suspek nga hubog kag may natabu nga indi pag-inintindihanay.
Suno kay Salmon, masami nga nagakadto ang biktima sa balay sang iya bayaw kag masami man sila nga nagabaisay.
Ginpahayag man sang natungdan nga posible wala na nakapugong ang suspek kag ginbuno nalang ang biktima.
Nakaagom sang 11 ka buno sa lawas ang biktima nga gintunaan sang iya kamatayon.
Priso subong sa Januiay Municipal Police Station ang suspek kag ginahikutar naman sang kapulisan ang mga dokumento para mapasaka ang nagakaigo nga kaso.
