Nag-apelar si Former Senator Franklin Drilon kanday Iloilo City Mayor Jerry Treñas kag Iloilo City Lone District Representative Julienne “Jam-Jam” Baronda nga mag-areglohanay agud nga mag-untat na ang ila indi pag-intindihanay.
Sa interview sang Bombo Radyo kay Drilon, iya ginpahayag nga kinahanglan nga iprayoridad nila ang kamaayohan para sa pumuluyo.
Suno kay Drilon, nagakadapat nga mag-unite sila agud nga indi makahimo sand division sa isa kag isa kag sa mga Ilonggo.
Gintumod man sini nga kon mahimo lang man nga malikawan ang indi paghangpanay, dapat sa subong himuon na nila.
Nagapati man ang natungdan nga makahimo sang proposal kag solusyon ang grupo ni Treñas kag Baronda agud mahitso ang ila nga political conflict.
Gin-athag naman sang anay senador nga wala ini sang plano nga magbalik sa pulitika.
Suno kay Drilon, magapabilin ini nga private citizen sang pungsod, apang, magapadayon nga magabulig sa mga Ilonggo.
Ginpat-ud man sini nga plano niya nga mag-endorso sang local kag national candidates’ para sa 2025 midterm elections.
