Naka-record ang Iloilo City Commission on Elections (COMELEC) sang duha ka mga indibidwal nga nag-file sang ila nga certificate of candidacy (COC) para una nga adlaw sang filing para sa 2025 national and local elections.
Sa interview sang Bombo Radyo kay Mr. Jonathan Sayno, Election Assistant II sang Iloilo City COMELEC, iya ginpahayag nga wala nag-zero ang nabalhag sang talatapan kag may yara gid nag-file sa imbukada sang filing sang kandidatura.
Suno kay Sayno, matawhay ang una nga adlaw sang kahiwatan ilabi na nga yara sa isa ka cinema sang mall nahamtang ang venue kon sa diin, ginakabig sini nga “ideal” nga lugar.
Gin-ako man sang natungdan nga may mga pagpanghangkat nga naatubang ang COMELEC ilabi na nga wala napaidalum sa prechecking ang certificate of candidacy sang duha ka kandidato.
Naglawig naman sang tag-15 minutos ang tagsa ka kandidato antes nga natigayon nga matapos ang ila filing of candidacy.
Nahibaluan nga ang pinakauna nga nag-file sang certificate of candidacy sa syudad amo si Mr. Mor Espinosa nga magapapili bilang konsehal.
Ginsundan naman ini ni Mel Carreon nga magapadalagan bilang kongresista sa 2025 midterm elections.
