Patay ang isa ka babaye, samtang ginlugos naman ang upod sini sa balay sa Barangay Arante, Sara, Iloilo.
Ang ginpatay amo si Grace Asiwagan Fortaleza, 44 sa diin ginlampusan ini sang baratiya sa ulo.
Samtang ang ginapahayag ginhimuslan naman ang naga-edad sang 17 kag adopted child ni Fortaleza.
Suno kay Lota Asiwagan, utod ni Fortaleza, ginpukaw ini sang 17 anyos nga biktima kag ginpahibalo nga ginpatay na ang manghod sini.
Antes ang krimen, hungod nga ginguba kag ginsulod sang mga suspek ang steel matting nga nagaserbe nga bintana sa balay sang mga biktima.
Ginkuha naman sini ang duha ka mga cellphones sang biktima kag gilayon nga nagpalagyo.
Ginguba man sang mga suspek ang Closed-circuit television (CCTV) sa lugar.
Nagapadayon naman ang imbestigasyon sang Sara Municipal Police Station sa krimen.
