Nagalaum si Iloilo City Acting Mayor Jeffrey Ganzon nga ‘worthy opponent’ ang mangin kasumpong sini sa pagka-bise alkalde sa 2025 midterm elections.
Sa interview sang Bombo Radyo kay Ganzon, iya ginpahayag nga ginarespeto niya ang sin-o man nga kandidato ang magatuyo nga bunggo-on siya sa nasambit nga pwesto.
Suno kay Ganzon, bilang isa man ka nagapapili, iduso sini ang negative campaign bangud nagapati ini nga wala ini nagakabagay sa iya.
Ginpahayag man sini nga sa iya ulihi nga termino bilang bise-alkalde, suportahan sini ang tanan nga national kag local nga proyekto nga makabulig sa mga residente sang Iloilo City.
Gintumod man sang natungdan nga nagalaum siya nga wala sang pagkontrahanay ukon indi pag-intindihanay nga matabo sa kada grupo agud nga mangin tayuyon man ang pagserbisyo sa syudad.
Nagapati naman si Ganzon nga ang kapital niya sa piniliay amo ang record nga wala sang bahid sang graft and corruption.
