Nagmandu naman ang Iloilo Police Provincial Office (IPPO) sang maid-id nga imbestigasyon sa natabo nga pagpatay sa isa ka babaye sa Barangay Arante, Sara, Iloilo.
Ang biktima amo si Grace Asiwagan Fortaleza, 44-anyos, residente sang nasambit nga lugar.
Ginapatihan naman nga ginhimuslan sang suspek ang 17-anyos nga hinablos sang biktima matapos ginhimo ang krimen
Sa interview sang Bombo Radyo kay Iloilo Police Provincial Office Director Police Colonel Bayani Razalan, iya ginpahayag nga nagmando man ini sa chief sang Women’s and Children Protection Desk (WCPD) nga magpatuman man sang imbestigasyon.
Nagpadulong naman ang Women’s and Children Protection Desk sa Sara agud imbestigaran kag usisaon ang gina-alegar paghimulos sang suspek sa 17-anyos nga biktima.
Suno kay Razalan, may anggulo na sila nga ginalantaw sa subong, apang indi pa sini pag-disclose ang impormasyon bangud posible makaapekto sa dalagan sang kaso kag sa hot pursuit operation sang otoridad batok sa suspek.
Sa subong, duha ang ginalantaw sang kapulisan nga suspek nga naghimo sa amo nga krimen.
