Wala pa pormal nga nakasugod ang 2024-2025 regular season sa National Basketball Association (NBA) apang nagasuprer na sang injury ang Dallas Mavericks superstar guard nga si Luka Doncic.
Suno sa Mavs, indi makatambong sa isa ka semana nga pre-season preparation si Doncic bangud sa left calf contusion nga naangkon sini sa training.
Natalana man nga iga-reevaulate ang kondisyon sang Slovenian star.
Sa Lunes pagabuksan sang Dallas ang pre-season campaign sini sa Lunes sa isa ka home game batok sa Memphis Grizzlies.
Sa Oktubre 24 naman, magasunod ang regular season sang Mavs batok kay Victor Wembanyama kag sa San Antonio Spurs kag ginalaauman nga maka-recover na si Luka.
May average si Doncic nga 33.9 points, 9.2 rebounds kag 9.8 assists per game sang nagligad nga season nga nagbulig sa Mavericks nga makalab-ot sa 2024 NBA Finals apang ginkabos batok kanday Jayson Tatum, Jaylen Brown, kag Boston Celtics nga amo ang nagkampyon.
Kampyonato naman ang target ni Doncic sa iya ikapito nga season kaupod sa Mavs.
Daku ang paglaum sang team ilabi na subong nga kaupod na nila ang four-time champion halin sa Golden State Warriors nga si Klay Thompson nga ginakilala nga isa sa greatest shooters sa NBA history.
Magluwas kay Thompson kag Doncic, yara man sa Mavs ang beterano nga eight-time All-Star nga si Kyrie Irving nga ginpaidalom man sa surgery bangud sa nabali nga wala nga butkon sang Hulyo.#
