Ginatahod sang Commission on Elections (COMELEC) Iloilo Province ang desisyon sang pila ka political aspirant sa probinsya kon ano nga petsa sila maga-file sang certificate of candidacy (COC).
Sa interview sang Bombo Radyo kay Atty. Renier Layson, Provincial Election Supervisor IV- COMELEC Province of Iloilo, iya ginpahayag nga subong nga adlaw, isa lamang ka aspirant ang nag-file sang ertificate of candidacy.
Ini amo si incumbent Iloilo 3rd District Rep. Lorenz Defensor nga yara sa idalom sang National Unity Party.
Si Lorenz ang magapapili liwat sa iya last term bilang kongresista.
Suno kay Layson, indi man sini manegar nga may tagsa ka ginapatihan ang mga kandidato.
Gin-athag man sang natungdan nga indi niya mahambal kon madamo nga kandidato ang maga-file sa pinakaulihi nga adlaw sang filing of candidacy.
Ginpahayag man sini nga wala nagatulok ang talatapan sa mga pagpati sang kandidato, apang naghingyo ini nga i-inform sila ahead of time kon san-o sila maga-file agud nga ma-precheck ang ila dokumento.
