Magapatuman sang initial evaluation ang National Police Commission (NAPOLCOM) sa natabo nga pagtaya sang armas sang isa ka pulis sa mag-asawa sa Sta. Barbara, Iloilo.
Sa interview sang Bombo Radyo kay Atty. Michelle Yotoko, spokesperson sang NAPOLCOM Region 6, iya ginpahayag nga ang evaluation nga ipatuman amo agud nga matumod kon may hurisdiksyon ang talatapan agud mag-imbestigar sa insidente.
Suno kay Yotoko, kon matumod nga may yara na sila sang otoridad sa amo nga kaso, iga-assign ang isa ka imbestigador agud nga masugodan ang imbestigasyon.
Ginpahayag man sini nga gilayon ipatawag ang ginareklamo nga pulis agud nga papasahon sang counter affidavit.
Kon makitaan naman sang investigator nga may probable cause, posible na nga mapasaka ang administratibo nga kaso batok sa pulis.
