Nagtakop ang ika-anum nga adlaw sang filing period sa Commission on Elections (Comelec) nga may walo ka senatorial aspirants kag 14 ka party-list groups.

Yari ang nagdugang sa senatorial aspirants nga nag-file sang ila nga certificate of candidacy:

  • Jimmy Bondoc – isa ka singer-composer, abogado, kag magapadalagan sa idalom sang PDP-Laban
  • Junbert Guigayuma – tribal leader sang Higaonon tribe, nagapadalagan sa idalom sang KKK – Kapayapaan, Katarungan, Kaunlaran, kag una naman nakapadalagan sang 2019
  • Wilson Amad – isa ka accountant nga nagpadalagan sa pagka-bise president sang 2022, gindeklarar sang nuisance candidate sang Comelec, apang ginkwestyon niya ini sa Korte Suprema kag nakapaguwa pa ang korte sang TRO (temporary restraining order) sa pagkakas sang iya pangalan sa balota
  • Erwin Tulfo – Ex-DSWD Sec., subong representative sang ACT CIS, utod ni incumbent senator Raffy Tulfo, kag utod man ni Ben Tulfo nga nagapadalagan man sa pagkasenador
  • Sixto Lagare – former OFW kag delivery rider nga tatlo ka beses na nga na-deklarar nga nuisance candidate
  • Ernesto Arellano – isa ka abogado kag magapadalagan sa idalom sang Katipunan ng Kamalayang Kayumanggi o KKK
  • John Rafael Escobar
  • Pia Cayetano – incumbent senator kag isa sa 12 ka senators nga gina-endorso ni President Marcos

Samtang yari naman ang dugang nga party-list groups nga gusto makaangkon sang pwesto sa House of Representatives:

Pinoy Workers partylist
Abante Pangasinan Ilocano (API)
Unyon ng mga Gabay ng Bayan (UGB)
Pamilya, Pasyente, PWD (P3 PWD)
Epanaw Sambayanan
Eduaksyon
SSS-GSIS Pensyonado
Pusong Pinoy
Rebolusyonaryong Alyansang Makabansa (RAM)
ACT Teachers party-list
1Ticktok party-list
Aral Patriots party-list
Ako Padayon Pilipino
Tupad

Halin sang nagsugod ang filing sang certificate of candidacy (COC) kag certificate of nomination and acceptance (CONA) sa Comelec, may yara na sang 58 ka aspiring senators kag 87 ka partylists.

Ginalauman na sang poll body nga magadagsa ang aspirants subong kag buwas nga adlaw nga amo ang duha nga nabilin nga adlaw sa filing period.

RELATED ARTICLESMORE FROM AUTHOR