Yara na sa 100% ang Iloilo City Commission on Elections (COMELEC) Office para sa pinakaulihi nga adlaw sang certificate of candidacy (COC) para 2025 midterm elections.
Sa interview sang Bombo Radyo kay Atty. Pinky Jevini Tentativa, election officer IV sang Iloilo City COMELEC, iya ginpahayag nga nagpatigayon sila sang simulation activity agud nga indi sila mabudlayan buwas nga adlaw.
Suno kay Tentativa, ginalauman sang talatapan nga mangin masako sila kasunod man sang duha ka mga dalagko-an nga grupo ang maga-file sang ila kandidatura.
Ini ang amo Team Uswag ni lloilo City Mayor Jerry Treñas kag Team Gugma ni Iloilo City Lone District Representative Julienne “Jam-Jam” Baronda.
Suno kay Tentativa, may nagpa-check sa ila nga COC nga naghalin sa kampo ni Baronda, apang wala sang may ginbutang nga mga pangalan nga magapapili sa ila nga linyada.
Gintumod man sang natungdan nga may mga contingency plan naman sila para sa dalagko nga grupo nga maga-file buwas nga adlaw.
Wala naman nalikawan sang pila ka mga kandidato nga magsala, lakip na ang businessman nga si Roland Magahin nga magapapili bilang alkalde sang Iloilo City nga nadugayan sa iya filing sang candidacy.
