Nagpasa sang iya resignation letter si Atty. Karlo Nograles nga amo ang chairperson sang Civil Service Commission (CSC) sa sulod sang duha ka tuig.
Epektibo subong nga Oktubre 7 ang iya pagpanaog sa pwesto santo sa sulat nga ginpadala kay President Ferdinand Marcos, Jr.
Ginkumpirma man sini nga magabalik siya sa Davao City agud gamiton suno sa iya ang mga leksyon nga iya natun-an bilang head sang commission kag amo man ang duha ka dekada sini nga serbisyo sa gobyerno.
“It is with mixed emotions that I tender my resignation as Chairperson of the Civil Service Commission (CSC) effective today, 7 October 2024. This decision was difficult to make, as my time with the Commission has been productive, fulfilling, and inspiring. I am extremely grateful for the opportunity to serve alongside such dedicated public servants,” kabahin sang iya sulat.
Kumpyansa man ini sa hinimuan sang CSC sa idalom sang iya liderato.
“As I embark on this new path of public service, I leave the CSC extremely confident in its ability to steer our bureaucracy towards greater heights,” kabahin sang iya sulat.
Sa idalom ni Nograles, nakapatuman ang CSC sang direct public engagement programs kag gin-improve ang profile sang eligibility exams para mas makagalanyat sa mga Pilipino ang government service.
Mas ginsapubliko man ang pagkilala sa most outstanding civil servants sa idalom sang iya termino kag ginduso man ang modernisasyon kag ang digitalization sang ahensya.
Matandaan nga antes na-appoint sa CSC, nakaserbe si Nograles bilang Cabinet secretary sang Duterte administration sang 2018 tubtub sang 2022 kag nakaserbe man bilang acting Presidential spokesperson halin sang 2021 tubtub sang 2022.
Nangin representative man siya sang 1st District sang Davao City halin sang 2010 tubtub sang 2018.
May mga naga-guluwa nga impormasyon nga magapadalagan ini sa posisyon sa local elections sa syudad sang Davao. Tubtub buwas, Oktubre 8, ang filing period sang Certificate of Candidacy (COC) sa Commission on Elections (COC).#
