Ginaistoryahan subong sang publiko ang kontrobersyal nga performance sang singer nga si Julie Anne San Jose samtang nagakanta ini sang “Dancing Queen” sa atubang sang altar sang isa ka simbahan sa Occidental Mindoro.
Ang nasambit nga performance ang kabahin sang isa ka concert for a cause nga gintawag nga Heavenly Harmony in Concert’ (Harana para kay Maria) sang Nuestra Señora Del Pilar Shrine sa Mamburao sa amo nga probinsya.
Kalakip sa mga ginkanta ni San Jose ang “The Climb” ni Miley Cyrus, “Edge of Glory” ni Lady Gaga kag mga OPM songs.
Madamo ang nalipay bangud nga benefit concert ini apang nagtaas naman ang kilay sang iban bangud nga wala nagakaangay ang mga kanta ni Julie Ann sa sulod sang simbahan nga kaangay nga nangin isa ka concert venue.
Nahibaluan nga ang kita sa concert ang makadto para sa pagpanami sang nasambit nga simbahan.
Wala pa sang opisyal nga pahayag ang simbahan kag ang kampo sang singer tuhoy diri.
