ILOILO CITY – Ginpaanggid sang mayoral candidate nga si Roland Magahin sa kilala nga Hebrew scripture nga ‘David and the Goliath’ ang pagbunggu-anay nila ni Raisa Treñas-Chu bilang alkalde sa Iloilo City sa May 2025 elections.
Si Magahin nga residente sang Bo. Obrero, Lapuz, Iloilo City, ang independent candidate samtang si Treñas-Chu naman ang nagapadalagan sa idalom sang National Unity Party (NUP).
Sa interview sang Bombo Radyo kay Magahin, iya ginpahayag nga nakahanda siya nga magbunggo kay Raisa apisar nga anak pa ini ni incumbent Iloilo City Mayor Jerry Treñas.
Gintawag man sini si Treñas-Chu nga ‘proxy’ lang ukon temporary nga bulos sang iya amay.
Suno kay Magahin, bilang isa ka anay presidente sang Iloilo Terminal Market Vendors Associations (ITMVA), prayoridad sini nga mahatagan sang maayo nga serbisyo ang mga vendors.
Kun mapilian naman ini bilang bag-o nga alkalde, plano sini nga magpatukod sang bag-o nga Terminal Market nga wala nahamtang sa mata sang syudad agud magaserbe nga bagsakan sang mga negosyante sang ila mga produkto.
Nahibaluan nga si Magahin ang isa man ka negosyante kag nagaserbe nga kag foster father ni former World Boxing Foundation (WBF) welterweight king William Magahin.
