Arestado ang duha ka mga indibidwal sa ginpatigayon nga drug buy bust operation sa North San Jose, Molo, Iloilo City.
Ang mga nadakpan amo sanday alyas Mokong, 32-anyos,main subject sa operasyon, kag residente sang Zone 1 Brgy North San Jose, Molo, kag alyas Russel, 38-anyos sang Brgy. Calaparan, Arevalo.
Sa interview sang Bombo Radyo kay Police Captain Ryan Christ Inot, hepe sang Police Station 4, iya ginpahayag nga si Mokong ang nagaserbe nga manugtago sang shabu samtang si Russel naman ang naga-transact sa mga customers.
Suno kay Inot, nagahimos gid ang duha agud magbaligya sang illegal drugs sang naabtan sang nag-operate nga otoridad.
Na-recover sa ila ang 50 grams sang suspected shabu nga may standard drug price nga P340,000.
Nakuha man kay Russel ang .38 caliber revolver kag pila ka bala.
Si Russel ang napreso na sadto sa kaso nga robbery kag sang nakagwa, nagbalik ini sa paghimo sang iligal nga mga aktibidad.
