Ginhangkat ni President Ferdinand “Bongbong” Marcos Jr. si Chinese Premier Li Qiang sa bag-o lang nga mga clashes sa West Philippine Sea kasunod sang ila regional summit talks kadungan sang 27th Association of Southeast Asian Nations (ASEAN) sa National Convention Centre sa Laos.
Ini kasunod man sa pagkabalaka sang pungsod nga mahimo magdugang ang tensyon sa ginaagawan nga West Philippine Sea.
Kadungan sang amo nga kahiwatan, ginhatagan sang empasiya ni Pres. Marcos ang ASEAN-China relationship nga magpadayon sa paghimo sang developments kag nagakadapat, nga indi ini matublag sang nagapadayon nga pagpanghangkat nga dala sang ginaagawan nga
Nagpanawagan man ini sa matalunsay nga negosasyon kag kasugtanan nga nagasunod sa ASEAN-China Code of Conduct (COC).
Nagpasalig man ang presidente nga ang Pilipinas ang nagapabilin ang commitment sa pagpasanyog sang ASEAN-China relationship agud mapasangkad ang long-term peace, development kag cooperation sa rehiyon.
Nahibaluan nga sang nagligad nga mga binulan, nakita ang madamo nga masingki nga engkwentro sa tunga sang mga sakayan sang China kag Pilipinas sa kadagatan sa palibot sang ginaagwan nga mga reef kag mga isla sa West Philippine Sea.
