Ginalantaw sang MORE Electric and Power Corporation nga posible sa Disyembre subong nga tuig matapos ang ila underground cabling sa Iloilo City.
Sa interview sa Bombo Radyo kay Mr. Roel Z. Castro, President and Chief Executive Officer sang MORE Electric and Power Corporation, iya ginpahayag nga ang pagpanghangkat subong sa ila nga talatapan, amo ang pila ka mga utilities kaangay sang telecommunication companies.
Suno kay Castro, may pila ka mga kable ang telco utilities nga wala pa mahalin tubtob subong.
Nagpasalig man ang natungdan nga antes matapos ang tuig, wala na sang makita nga mga linya ukon kable sang MORE Power nga yara sa poste sa dalan sang Calle Real.
Ginakonsidera naman sang talatapan nga mas mapasangkad pa ang ila nga underground cabling sa syudad kon liwat nga mahimo-an sang resolusyon sang Iloilo City Council.
