Gamiton sang Iloilo City Commission on Elections (COMELEC) ang apat ka mga mall sa syudad agud mangin voting venues sa May 12, 2025, midterm elections.
Sa interview sang Bombo Radyo kay Atty. Pinky Jevini Tentativa, election officer IV sang Iloilo City COMELEC, iya ginpahayag nga ang tikang inisyatibo sang ahensya agud nga mahatagan sang convenient ang mga registered voters’ para sa eleksyon.
Suno kay Tentativa, ang mall voting program ang gamiton man sa pila ka lugar sa pungsod Pilipinas.
Ginpahayag man sini nga mahimo nga maka-boto sa sulod sang mall ang indi maglapaw sa 4,000 ka mga botante.
Lakip diri ang Festivewalk Mall kag SM City sa Mandurriao, Robinsons Place sa Jaro kag ang Robinsons Place main sa city proper.
Sa subong, pending pa ang approval sa amo nga tikang, apang maaprobahan man ukon indi, magapadayon sa gihapon sila sang pagtukod sang mga voting centers.
Tinutuyo man sang tikang nga ma-decongest ang pila ka eskwelahan sa tagsa ka eleksyon.
