Nagpaandam ang Bureau of Internal Revenue (BIR) sa mga pumuluyo nga maghalong sa mga fixer nga nagatanyag sang madasig nga pagkuha sang Taxpayer Identification Number (TIN).
Sa interview sang Bombo Radyo kay Emilia Corpuz Combes, Officer in Charge kag Regional Director sang Bureau of Internal Revenue Region 6, iya ginpahayag nga dapat nga sa opisina gid mismo sang ila talatapan ginaproseso ang pagkuha sang Taxpayer Identification Number.
Suno kay Combes, apisar nga malawig ang pila, ini ang parte sang proseso sang isa ka legit nga pamaagi agud nga makakuha sang TIN.
Nagpanugyan man ang natungdan nga indi gilayon magpati sa mga nagatanyag sang madasig nga pagkuha sang TIN.
Gin-athag man sini nga may mga kinahanglan nga requirements lakip ang pila ka mga government issued IDs, antes makakuha sang nasambit nga dokumento.
