Pormal na nga gin-file ni former Buenavista, Guimaras Mayor Eugene Reyes sa Energy Regulating Commission (ERC) ang reklamo sini batok sa Guimaras Electric Cooperative (GUIMELCO).
Sa interview sang Bombo Radyo kay Reyes, iya ginpahayag nga ang iya katuyuan amo ang mahatagan sang klaro ang pumuluyo ilabi na ang konsumidor kon ngaa naglakaak sa mataas nga presyo ang rate sang kuryente sa isla sang Guimaras.
Suno kay Reyes, ang reklamo ang kasunod man sang indi transparent nga agreement sang kooperatiba, kon sa diin, nagapati ini nga indi competitive ang bidding nga ginpatuman sa mga power suppliers.
Nangin rason man sa reklamo amo ang natukiban sa konseho nga may mga tax nga ginapatong ang mga power supplier sang GUIMELCO rason nga mataas ang sukkot nila sa kuryente.
Nahibaluan nga nagalab-ot sa P37 per kilowatt ang sukot sang GUIMELCO sa mga konsumidor, kon sa diin, ginakabig man ini nga pinakamahal sa bug-os nga Western Visayas.
