Gin-athag sang Association of Barangay Captains (ABC) – Mandurriao nga wala na sang damo pa nga istoryahan kon pagpakita sang suporta sa Team Uswag ni Mayoral Candidate Raisa Treñas-Chu.
Sa interview sang Bombo Radyo kay Punong Barangay Ariel Mirar, Association of Barangay Captains President sang Mandurriao Disrtrict, iya ginpahayag nga yara sa 174 ka mga barangay ang nagasuporta sa Team Uswag ni Treñas.
Suno kay Mirar, intact sa gihapon ang ila grupo apisar nga wala sang bunggo-anay nga matabo sa pagka-alkalde kag kongresista sang syudad.
Gintumod man sini nga ginarespeto nila ang nangin desisyon sang national nga bahin agud nga maghimo sang unity.
Gin-ako man sang punong barangay nga wala na nakapabatyag sa ila si Iloilo City Lone District Representative Julienne “Jam-Jam” Baronda sugod man sang nagbulag ini sa grupo ni Mayor Jerry Treñas.
