Gin-athag ni Iloilo City Acting Mayor Jeffrey Ganzon nga wala siya sang may madumduman nga “libelous” nga komento nga ginbuy-an batok kay former Iloilo City Mayor Jed Patrick Mabilog.
Ini kasunod man sang pahayag ni Mabilog nga magapasaka ini sang kaso nga “libel” batok kay Ganzon.
Sa interview sang Bombo Radyo kay Ganzon, iya ginpahayag nga hulaton nila kon ano ang unod sang reklamo ni Mabilog antes nga magdugang sang mga pahayag.
Suno kay Ganzon, ginarespeto niya ang pagpasaka sang kaso ni Mabilog kon nakabatyag ini sang ‘aggrieved’ ukon indi patas nga pagtratar.
Nagpangayo man sang pagpangamuyo ang acting mayor sa publiko agud mabuligan man siya sa pagpangamuyo kay Mabilog nga mangin kalmado sa piyak sang nangin desisyon sini.
Nahibaluan nga una nga nagpabutyag si Mabilog nga magapasaka sang kaso kasunod man sang pag-anunsyo sini sang iya suporta sa kandidatura ni Love Baronda nga makasumpong ni Ganzon sa pagka-bise alkalde sang syudad sa 2025 midterm elections.
