Masobra dos pesos ang mahimo ipatuman nga price hike sang mga kumpaniya sang langis sa masunod nga semana.
Suno kay Department of Energy-Oil Industry Management Bureau Director Rodela Romero, base sa apat ka adlaw nga trading, yari ang posible isaka sa presyo:
Gasoline – P2.00 tubtub sa P2.30 per liter
Diesel – P2.35 tubtub sa 2.65 per liter
Kerosene – P2.45 tubtub sa 2.55 per liter
Ginalantaw nga epekto na ini sang nagalala nga krisis sa Middle East kag paglaslas sang Hurricane Milton sa Estados Unidos.
Ang kinagamo sa tunga sang Israel kag militante nga grupo sa Lebanon ang mahimo makatuga sang supply disruption, samtang ang Category 5 hurricane naman sa Estados Unidos ang makaapekto sa delivery sang energy services.
Ang mahina nga demand halin sa China ang nakaapekto man sa presyo.
Ini na ang pang-apat nga sunod-sunod nga semana nga may hike sa presyo sang diesel kag kerosene, kag pangatlo nga sunod-sunod nga semana naman para sa gasolina.
