Nagapabilin nga at large ang suspek sa pagbuno-patay sa isa ka mangunguma sa Brgy. Bariga, Banate, Iloilo.
Ang biktima amo si Ronie Barba, 23-anyos, residente sang amo nga lugar.
Sa interview sang Bombo Radyo kay Police Captain General Enrique Robles, hepe sang Banate Municipal Police Station, iya ginpahayag nga upod man inom-inom ang biktima, suspek kag isa pagid nila ka upod bag-o natabu ang insidente.
Suno kay Robles, naglakat ang isa nila ka upod kag pagbalik sini, nasapwan nalang nga duguon, may mga buno sa lawas, kag wala na sang kabuhi si Barba.
Dugang pa sang natungdan nga posible nga may natabu nga indi pag-intindihanay sa tunga sang suspek kag biktima.
Ginapahayag nga masobra sa 20 ka buno ang naangkon sang biktima.
Na-identify na ang suspek paagi sa bulig sang witness sa krimen.
