Nakagwa na ang driver sang modernized jeep nga nagkumos sang citation ticket ukon Temporary Operators Permit (TOP) sang traffic enforcer sang Transportation and Traffic Management Office (TTMO) sa Jaro, Iloilo City.
Ang driver amo si Jesus Rey Palado, nagabyahe sang modernized jeep nga may rota Ungka-Iloilo City Proper, vice versa.
Sa interview sang Bombo Radyo kay Police Major Eduardo Siacon Jr., hepe sang ICPS 9, iya ginpahayag nga nakagwa na si Palado matapos nagpyansa.
Suno sa natungdan,ginabanta P10, 000 ang ginpyansa ni Palado sa duha sini ka mga kaso, Disobedience to Lawful Order kag Unjust Vexation.
Matandaan nga naticketan si Palado, bangud sa nagkuha sang pasahero sa indi loading and unloading area sa E. Lopez St., Jaro, Iloilo City.
