Bukas si Iloilo Governor Arthur Defensor, Jr. sa expansion sang MORE Electric and Power Corporation sa probinsya sang Iloilo.
Sa interview sang Bombo Radyo kay Governor Defensor, iya ginpahayag nga welcome sa probinsya ang ano man nga power utilities ukon player nga magahatag sang kasolhayan sa patag sang elektrisidad.
Suno kay Defensor, may mga parameter ang probinsya agud nga maprotektahan ang interes sang publiko.
Gintumod man sini nga kon makahatag ang kooperatiba sang matalunsay nga power supply sa Iloilo, maayo gid ini para sa mga konsumidor.
Gin-athag man sang gobernador nga mas makahatag pagid sang maayo nga serbisyo sa mga Ilonggo kon mas manubo ang presyo ukon rate sang isa ka electric cooperative.
Ginpasiguro man sang natungdan nga makahatag sang maayo nga resulta sa publiko ang mga negosasyon nahanungod sa kuryente.
