Nakuhaan sang masobra P500,000 nga suspected shabu ang ginapatihan bugaw sang mga sex worker sa Brgy. Legaspi, Iloilo City Proper.
Ang nadakpan amo si Alyas Toto Agi,35-anyos sang Barangay Igcocolo, Guimbal, Iloilo.
Sa interview sang Bombo Radyo kay Police Captain Roque Gimeno III, hepe sang Iloilo City Police Station 1, iya ginpahayag nga nagdangat man sa duha ka semana ang monitoring sa subject.
Suno kay Pcpt. Gimeno nga luwas sa nagabugaw sang mga babayi para magbaligya sang hingalit nga kalipay si Toto Agi, nagabaligya man ini sang shabu sa syudad kag probinsya sang Iloilo.
Dugang pa sang natungdan nga padayun pa nila nga ginahibalu kun diin ini nagakuha sang supply.
Narecover ang ginabanta 80 grams nga kabug-aton sang ginapasuni shabu nga may standard drug price nga P544,000.
