Naka-kolekta na ang gobyerno sang Pilipinas sang P2.77 trillion sa tax revenues subong nga tuig.
Base ini sa preliminary data nga ginpaguwa sang Department of Finance (DOF) nga nagapakita sang nasukot nga buwis halin sang Enero tubtub Septyembre.
Nueve porsyento ini nga mas mataas sa P2.54 trillion revenues sa amo man nga period sang nagligad nga tuig.
Katumbas man ini sa 72.5 percent sa P3.82 trillion nga amo ang target nga malab-ot subong nga tuig.
Ang tax revenues amo ang ginalauman nga maga-account sang 89% sang overall revenue collections sa sulod sang isa ka tuig samtang ang nabilin naman ang kuhaon halin sa non-tax revenues kag privatization proceeds.
Sang damlag lang, matandaan nga ginsapol ni Finance Secretary Ralph Recto ang Bureau of Internal Revenue (BIR) kag ang Bureau of Customs (BOC) agud i-assess ang collection performances sang mga ahensya kag istoryahan ang mga plano agud malab-ot ang target subong nga tuig kag sa 2025.
