Naglab-ot sa P450,000 ang balor sang kahalitan nga natuga sang sunog sa Barangay Magsaysay, La Paz, Iloilo City.
Sa interview sang Bombo Radyo kay Teresa Gelogo, head sang Iloilo City Social Welfare and Development Office (CSWDO), iya ginpahayag nga yara sa 300 square meters ang kalapadon nga nahalitan sang sunog sa nasambit nga lugar.
Suno kay Gelogo, sa 19 ka mga balay nga nasunog, 17 diri ang totally burned ukon damaged, samtang ang 2 ang partially damaged.
Gin-athag man ni Gelogo nga indi pa matumod ang kabug-usan nga numero sang mga pamilya nga naapektohan bangud padayon pa ang validation.
Naghatag naman ang talatapan sang pagkaon, non-food items, hygiene kits, kag temporaryo nga pahamtangan sang mga naapektohan.
May yara naman sang community kitchen ang CSWDO nga gindesignar agud nga tayuyon nga mahatagan sang pagkaon ang mga nasunogan.
