Nagapabilin nga wala sang na-record ang Iloilo Provincial Health Office (IPHO) sang kaso sang Mpox (monkeypox) sa Iloilo.
Sa interview sang Bombo Radyo kay Dr. Rodney Labis, chief, health dilevery division sang Iloilo Provincial Health Office, iya ginpahayag nga may mga pasyente nga nakasulod sa suspected definition sang Mpox, apang tanan man ini ang negatibo.
Ini kasunod man sang pagkuha sa ila sang specimen agud nga mapaidalum sa confirmatory test.
Gin-athag man sang natungdan nga padayon ang surveillance sang tanan nga rural health units kag hospitals sa probinsya agud nga kon hinali nga may magpositibo, indi na ini maglapta pa.
Nagpanugyan man ini sa publiko nga kon makabatyag sang sintomas kaangay sang rushes nga nagalupok-lupok, gilayon nga magpadulong sa ospital agud nga mapaidalum sa mga tests.
