WESTERN VISAYAS – Wala gina-impluwensyahan sang mga pulitiko ang hiring process sang mga manunudlo.
Sa interview sang Bombo Radyo kay Dr. Ramir Uytico, Director sang Department of Education Region 6, iya ginpahayag nga katungdanan sang mga schools superintendent ang pag-hire sa mga manunudlo kag ang hiring process ang indi maimpluwensyahan sang mga pulitiko.
Suno naman sa Schools Division of Cadiz City, wala nagapasilabot ang Local Government Unit sa hiring process sang mga manunudlo.
Ginpahayag naman ni. Dr. Ma. Luz De los Reyes, Schools Division Superintendent sang Iloilo, wala sila sang problema sa hiring process sang mga manunudlo sa syudad bangud wala ini ginahilabtan sang mga politiko.
Sa Special Education Fund suno sa iya, may yara pa sang 50 items nga available.
Wala man sang problema sa Schools Division of Bago City ang hiring process sang manunudlo sa diin sa 11 items subong nga tuig, tanan nga ini ang nasudlan na.
Ginpahayag man sang talatapan nga ginasunod nila ang rank list.
