Nataban sang mga kawatan ang P9,000 nga benta sang isa ka tyangge sa Brgy. Sambag, Jaro, Iloilo City.
Sa interview sang Bombo Radyo kay Police Captain Melchor Tolentino, hepe sang Iloilo City Police Station 3, iya ginpahayag nga natabo ang insidente kagina sang kaagahon, kon sa diin, gin-guba gid sang mga suspek ang kandado agud masulod ang tyangge.
Suno kay Tolentino, gilayon man nga nadakpan ang duha sa apat ka mga suspek, kon sa diin, isa diri ang menor de edad nga naga-edad 16-anyos kag 26-anyos nga lalaki.
Ginpahayag man sang natungdan nga nagapabilin nga at large ukon wala pa madakpan ang duha sa mga suspek, samtang ang P9,000 nga benta ang wala man makit-an.
Padayon naman nga ginaayam sang otoridad ang nabilin nga mga suspek agud nga mapasakaan ang nagakaigo nga kaso.
