Amat-amat na nga naganubo ang na-record sang Iloilo Provincial Health Office (IPHO) nga kaso sang dengue sa Iloilo.
Sa interview sang Bombo Radyo kay Dr. Rodney Labis, chief, health delivery division sang Iloilo Provincial Health Office, iya ginpahayag nga yara na sa 10,075 ang kabug-usan nga mga kaso sang dengue sa probinsya sugod sang outbreak sini.
Suno kay Labis, yara na lang 329 cases ang na-record sang talatapan sugod sang Setyembre 29 tubtob Oktubre 5.
Gintumod man sini nga ang syudad sang Passi ang nagapabilin nga may pinakamataas nga kaso kon sa diin, yara ini sa 648 cases kag may duha ka mga napatay.
Nagnubo naman ang mga barangay nga yara sa clustering sang dengue cases kon sa diin, yara na lang ini subong sa 94 nga mas manubo kon ikumpara sa 146 sang nagligad nga reporting week.
