Gintuad sang former Philippine Basketball Association (PBA) courtside reporter nga si Ira Pablo nga ginpahalin siya sa amo nga trabaho bangud sa iya lawas.
Sa iya post, ginpahayag ni Pablo nga subong pa lamang siya nangisog nga isugid sa publiko ang rason kun ngaa hinali lang ini nga nadula bilang courtside reporter sang 2022.
Suno kay Pablo, anom ka tuig niya nga ginpreparahan agud malab-ot ang handom nga mangin courtside reporter sa PBA apang wala ini nagdumdom nga mapahalin ini sa iya dream job bangud sa diskriminasyon sang iban nga tawo sa iya.
Dugang niya, ang mas ginkalain pa sang iya buot amo nga ang head sang network nga isa man ka babaye mismo ang nangin rason sa pagpahalin sa iya bangud indi sini luyag nga may plus sized nga mga babaye bilang reporters sa PBA.
Sa pihak sang natabo, ginpahayag ni Ira nga nagapasalamat siya bangud labi niya nga nahatagan sang balor ang iya kaugalingon.
