𝗜𝗟𝗢𝗜𝗟𝗢 𝗖𝗜𝗧𝗬 – Ginkilala sang Civil Service Commission (CSC) ang Department of Agriculture Community-Based Mushroom Production Project (CBMPP) Team Project MUSHIE bilang isa sa mga 2024 regional winners sang prestiyoso nga Pagasa Award.
Ang award ang ginhatag kadungan sang Pasidungog 2024 bilang kabahin sang 124th anniversary sang CSC.
Ang Team Project MUSHIE ang ginabug-usan nanday Science Research Specialist II Francis G. Capino, Senior Science Research Specialist Susana D. Jeroso, kag Market Specialist III Leah Gay V. Veloso.
Ginpasidunggan ang mga ini bangud sa ila pag-promote sang community-based enterprise development, on-station production, kag research activities sa mushroom farming sa Western Visayas.
Gintiglawas naman ni Regional Technical Director for Research and Regulations, Zarlina B. Cuello ang DA-Western Visayas sa diin siya man ang nag-nominate sang team.
