Ginbasura sang korte ang hingyo sang kampo ni Kingdom of Jesus Christ leader Pastor Apollo Quiboloy nga hospital ukon house arrest.
Suno sa iya abogado, wala ginpaboran sang Pasig RTC Branch 159 ang amo nga request.
Plano subong sang legal team ni Quiboloy nga mag- file sang motion for reconsideration.
Gin-detain sang Philippine National Police ang kontrobersiyal nga televangelist bangud sa kaso nga qualified human trafficking kag sexual abuse.
Matandaan nga apisar naka-detain, nag-file pa sang iya Certificate of Candidacy si Quiboloy para sa pagka-senador sa masunod nga eleksyon.
Isa ka petition naman ang gin-file sa Commission on Elections (Comelec) agud kanselahon ang candidacy sini bangud sa paggamit sang partido nga Workers and Peasants Party (WPP) nga suno sa mga matuod-tuod nga myembro sang partido, indi nila katapo si Quiboloy.
