Emosyonal nga ginsaysay sang isa ka Overseas Filipino Worker (OFW) ang na-ekspersyahan sini sa Lebanon.
Ini kasunod man sa pagluntad sang tensyon sa tunga sang Hezbollah sang nasambit nga pungsod kag sa Israel.
Sa interview sang Bombo Radyo kay Donna Jean Gabasa-Berniz,
Repatriated Ilonggo OFW sa Lebanon, iya ginpahayag nga ang nagakatabo didto subong ang indi na gid safe.
Suno kay Gabasa-Berniz, indi pa siya kontani luyag nga pagpaulion sang iya employer bangud nagpangayo pa ini sang extension.
Gintumod man sang natungdan nga may tion nga nag-atake ang mga Hezbollah malapit sa ila lugar, kon sa diin, nasaksihan gid sini ang paglabay sang missile sa ila balay nga ginatineran.
Ginsaysay man sini nga nagakulorog siya sang ginhatagan sila sang duha ka oras agud nga bakantehon ang balay bangud masunod na ini nga bombahon.
Dako naman ang pagpasalamat sang Ilongga sa gobyerno sa pagpauli sa iya sa Pilipinas nga wala sang sablag.
Nahibaluan nga ang Ilongga, ang pulo na ka tuig bilang isa ka Overseas Filipino Worker.
