Kumpirmado nga napatay na ang lider sang Hamas nga si Yahya Al-Sinwar nga amo ang mastermind sa pagpang-atake sa southern Israel sang Oktubre 7, 2023 nga amo gid ang nagpa-ibwal sang giyera sa Gaza.
Suno sa militar sang Israel, napatay nila ang 62-anyos nga si Sinwar sa ground operation sa syudad sang Rafah sa southern Gaza Strip sang Miyerkules.
Nakumpleto naman ang proseso kaangay sang DNA test kag pag-check sang dental records kag nakumpirma nga iya bangkay ang nakit-an sa lugar nga gin-atake sang mga soldado.
Mismo si Israeli Prime Minister Benjamin Netanyahu ang nagkumpirma sa nahimo sang Israel Defense Forces, apang ginsiling sini nga wala pa gihapon natapos ang ila nga misyon.
Suno sa prime minister, “This is the beginning of the day after Hamas. Evil has suffered a heavy blow, but the task before us is not yet complete.”
Gintawag sini ang kamatayon ni Sinwar nga “important moment in the war”.
Here’s mor
Si Sinwar amo ang ginhingadlan nga overall leader sang Hamas kasunod sang kamatayon sang ila political chief nga si Ismail Haniyeh sa Iran sang Hulyo.
Ginapatihan nga nagpanago siya sa mga tunnel sang Hamas nga gintukod sa Gaza sa sulod na sang duha ka dekada.
Nahibaluan nga ang ginplano sini nga pag-atake sa Southern Israel sang Oktubre 7, 2023 ang nagpatay sang 1,200 ka mga tawo lakip ang apat ka mga Pinoy kag may gindala man nga masobra 250 ka bihag sa Gaza.
Sang nagbalos ang Israel, 42,000 naman ka mga Palestinian ang nagkalamatay kag wala pa natapos ang giyera tubtub subong.
Naghatag man sang statement ang Estados Unidos sang Amerika matapos ang kumpirmasyon sang Israel.
Suno kay Vice President Kamala Harris, nahatag na ang hustisya pati sa mga biktima nga Amerikado, naguba na ang Hamas kag narumpag ang ila liderato. Isa ini ka daku nga oportunidad suno sa iya nga tapusyon na ang giyera sa Gaza.
“Hamas is decimated and its leadership is eliminated,” kabahin sang pahayag ni Harris samtang yara sa Wisconsin para sa presidential campaign. “This moment gives us an opportunity to finally end the war in Gaza, and it must end such that Israel is secure, the hostages are released, the suffering in Gaza ends, and the Palestinian people can realize their right to dignity, security, freedom and self-determination. It is time for the day after to begin, without Hamas in power.”##
(photo credit: Anas-Mohammed/Shutterstock, REUTERS/Ronen Zvulun)
