Ginapreparahan na sang Iloilo City Traffic Management Unit (ICTMU) ang pag-implementar sang Land Transportation Franchising and Regulatory Board (LTFRB) sang Local Public Transport Route Plan (LPTRP) sang probinsya sang Iloilo.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic Management Unit, iya ginpahayag nga napresentar na sang probinsya ang amo nga ruta sa bahin sang Iloilo City.
Suno kay Garbanzos, nagapabilin nga ang first town lang ang makasulod sa Iloilo City, samtang ang second town pasaka ang tubtob lang sa parameter boundary nga ginhatag sang talatapan.
Ginpahayag man sang natungdan nga nakadependi pa sa Department of Transportation (DOTr) kon pila ang kabug-usan sang units ang pahanugutan nga makasulod sa syudad.
Kon madumduman, may yara ang sang agreement sa tunga sang probinsya kag syudad nga pahanugotan nga makasulod ang 40% sang units kon rush hour, samtang, 25% naman sa lean hour.
