Positibo ang Iloilo Provincial Government nga maaprubahan sang Land Transportation Franchising and Regulatory Board (LTFRB) ang Local Public Transport Route Plan (LPTRP) nga ila ginpresentar.
Sa interview sang Bombo Radyo kay Mary Rose Artiada Matucan, Project Development Officer 3 sang Iloilo Provincial Planning and Development Office, iya ginpahayag nga mga minimal lamang ang koreksyon nga ginhatag sang LTFRB sa ila nga ginduso nga LPTRP.
Suno kay Matucan, lakip sa ila ginpresentar amo ang passenger demand, travel patterns, kag kon paano gindisenyo sang talatapan ang mga ruta.
Ginpahayag man sini nga ang problema lamang nga gintumod sa ila sang LTFRB amo ang naga-overlap nga mga ruta sa probinsya kag ang route alignment.
Nagpasalig man ang natungdan nga ang mga nasambit nga concerns ang na-justify sang provincial government.
Nahibaluan nga may yara sang 67 ka mga rationalize routes ang gin-propose sang probinsya nga ginahulat na lang nga maaprubahan sang LTFRB.
