Opisyal na nga nagsugod ang 100-day countdown sang Dinagyang Festival 2025.
Sa interview sang Bombo Radyo kay Eric Divinagracia, artistic director sang Iloilo Festivals Foundation Incorporated (IFFI), iya ginpahayag nga handa na nga magpasundayag ang mga dagyang tribe para sa kahiwatan.
Suno kay Divinagracia, mix ang bag-o kag mga dumaan nga mga tribo nga magapasakop sa tuigan nga selebrasyon sang syudad.
Ginpahayag man sang natungdan nga mas ekspektaron sang mga Ilonggo ang mas manami nga Sadsad, Kasadyahan, kag ILOmination.
Gin-athag man sini nga ang Dinagyang Tribe Competition ang mahimo na nga pasakopan sang komunidad kag sang eskwelahan.
