Nagpangabay si Iloilo Governor Arthur Defensor, Jr., sa mga fur parents nga ipabilin nga yara sa sulod sang kudal ukon likawan nga buy-an ang mga ido.
Sa interview sang Bombo Radyo kay Governor Defensor, iya ginpahayag nga ini agud man malikawan ang dugang nga problema sang probinsya sa rabies.
Suno kay Defensor, may yara sang 12 ka mga dog pound facilities ang probinsya agud nga butangan man sang mga ido nga makuha sang Provincial Veterinary Office (PVO).
Gintumod man sang natungdan nga kinahanglan mangin aggressive sa prevention procedure agud nga indi maglala ang rabies cases.
Una na nga ginpahayag sang Provincial Veterinary Office (PVO) nga ginapreparahan na ang plano nga mass anti-rabies vaccination sa masunog nga tuig.
