Nagpanugyan ang pila ka mga eksperto sa public health sa mga nanay ukon mommies nga bag-ong bun-ag nga ipaidalom sa newborn screening ang ila mga babies.
Sa interview sang Bombo Radyo kay Dr. Karen June Ventilacion, Unit Head, Newborn Screening Center Visayas, iya ginpahayag nga ang newborn screening ang isa ka programa sang Department of Health (DOH) para sa mga nanay nga bag-ong bata.
Suno kay Ventilacion, ginahimo ang newborn screening pag-edad sang bata 24-oras matapos ini nabun-ag.
Ginpahayag man sini nga ang tikang ang isa man ka palaagyan agud matumod kon may congenital metabolic disorders ang isa ka lapsag.
Ginatutokan man sang ahensya ang nutrisyon sang mga lapsag tubtob sa ika-1,000 days sini.
Mahimo naman nga magpadulong ang mga nanay sa malapit nga newborn centers sa ila local government unit agud nga maka-undergo sa tests.
