Ginplastar ni Justice Secretary Jesus Crispin Remulla nga isa ka paglapas sa Revised Penal Code ang pahayag ni Vice President Sara Duterte nga kalkalon sini ang bangkay ni anay President Ferdinand Marcos Sr. kag itagbong sa West Philippine Sea.
Suno kay Remulla, indi na kaladlawan ang pahayag ni Sara kag daw kaangay nga halin ang statement sa tawo nga wala nagapaminsar sang maayo.
“Desecration of the dead ‘yan. May violation sa Revised Penal Code yun. Hindi rin nakakatawa yun eh,” suno sa DOJ chief.
“It does not speak of a sane and clear-thinking person. Iba na yun. Non-compos mentis (of unsound mind) na yung pinangagalingan,” dugang sini.
Wala na ginpatpat sang Justice secretary kun ano nga specific crime sa Revised Penal Code ang nalapas ni Sara.
Apang kun i-review ang Article 353 sang Revised Penal Code kun sa diin nakabutang ang krimen nga libel, lakip diri ang indi pagtahod sa tawo nga patay na.
Ang libel amo ang “public and malicious imputation of a crime, or of a vice or defect, real or imaginary, or any act, omission, condition, status, or circumstance tending to cause the dishonor, discredit, or contempt of a natural or juridical person, or to blacken the memory of one who is dead.”
Ang Article 309 sang Civil Code ang nagaplastar man sa liability sang damages sang tawo nga nagabastos sa patay: “Any person who shows disrespect to the dead, or wrongfully interferes with a funeral shall be liable to the family of the deceased for damages, material and moral.”
Matandaan nga sa press conference ni Sara sang Oktubre 18, ginbulgar sini nga ginpaandam sini anay si presidential sister Sen. Imee Marcos nga kun magpadayon ang mga atake-pulitika batok sa iya, kutkuton sini ang bangkay sang late president sa Libingan ng mga Bayani kag ihaboy sa West Philippine Sea.
Wala man ginpalampuwas ni Remulla pati ang istorya ni Sara nga daw gusto sini anay utdan sang ulo si President Ferdinand Marcos Jr.
Natabo ini sang gin-alegar ni Sara nga ginpakahuy-an ni Marcos ang isa ka estudyante kadungan sang isa ka graduation ceremony nga ila gintambungan.
Suno naman kay Remulla, maayo na lang nga wala nagpadalagan sa pagka-presidente si Sara bangud basi kun nagdaog pa ini.
“Sabi ko nga buti na lang di siya tumakbo ng presidente baka nanalo pa,” suno kay Remulla. “Dapat malaman natin talaga what she’s made of.”#
