Gin-ako ni Police Regional Office 6 (PRO6) Director Police Brigadier General Jack Wanky nga may mga kapulisan nga ginagamit ang eleksyon agud nga makapulos sa mga kandidato.
Sa interview sang Bombo Radyo kay Wanky, iya ginpahayag nga ginpang-reassign na sa iban nga lugar ang mga kapulisan sang PRO 6 nga may paryente nga mga kandidato para sa 2025 midterm elections.
Ini agud nga malikawan man ang biases kag endorsement sa isa ka kandidato.
Suno kay Wanky, may yara sang 127 ka mga kapulisan sa Western Visayas ang nagtumod nga may paryente sila nga kandidato.
Nagpaandam man si Wanky nga kon mahibaloan niya nga may mga pulis nga ginatago ang kaangtanan sa pulitiko, gilayon sini dagdagan sang administrative sanction.
