Padayon ang koordinasyon sang Committee on Public Utilities sang Iloilo City Council sa Metro Pacific Iloilo Water (MPIW) agud nga gilayon masolusyonan ang water crisis ginapangatubang sang syudad.
Sa interview sang Bombo Radyo kay Iloilo City Councilor Romel Duron, iya ginpahayag nga apisar nga nag-anunsyo na ang Metro Pacific Iloilo Water sang ila regular nga scheduling sang tubig, may makit-an sa gihapon nga problema.
Suno kay Duron, indi on time kag wala nagasanto sa schedule ang ila pag-supply sang tubig.
Nagpanawagan man ini sa Metro Pacific sang madasig nga alternative solution.
Wala man ginpalampuwas ni Duron ang mahigko nga tubig nga nagaguwa halin sa mga linya sang Metro Pacific bangud nagapati ini nga indi sila preparado.
Plano naman sang natungdan nga ipatawag ang water distributor utility agud nga makahimo sang long term solution sa masami problema sa tubig sang syudad.
